Тәтештә “Автобабай – 2024” машина йөртү осталыгы конкурсы булды.

Бәйгедә алты машина хуҗасы катнашты. Алар «Юл хәрәкәте кагыйдәләре белеме» этабында юл хәрәкәте кагыйдәләрен теоретик белүгә тикшерү уздылар, ә «Автомобильне фигуралар ясап йөртү» этабында шоферлык осталыгын күрсәттеләр.
Ике этап нәтиҗәләре буенча Монастырский авылыннан Иван Калинов беренче урынны алды, Тәтештән Җәүдәт Фәткуллин – икенче, шәһәрле Игорь Зубрилин өченче булды.
Җиңүче Иван Калинов «Автобабай – 2024» республика этабында безнең районны тәкъдим итәчәк.
– Шоферлык осталыгы конкурсында беренче генә катнашуым түгел. Әлеге чарада катнашырга һәрчак бик шатланып ризалашам. Мин инде пенсионер, ә монда барысы да үзебезнекеләр, хезмәттәш шоферлар белән дә аралашырга була. Мондый конкурсларны оештыручыларга афәрин, алар безгә алга таба хәрәкәт итәр өчен этәргеч ясыйлар. Республика этабына лаеклы чыгыш ясарга өметләнәм, – дип уртаклашты Иван Иванович.
«Автобабай» конкурсы Россия Эчке эшләр министрлыгының Тәтеш районы дәүләт автоинспекциясе бүлеге, “Юл хәрәкәте иминлеге” ДБУның Буа бүлеге һәм Тәтеш автомәктәбе тарафыннан өлкән яшьтәге кешеләрне халык арасында юл хәрәкәте иминлеген киң танытуда катнашуга җәлеп итү максатыннан үткәрелә.
Нет комментариев