Нигә газетаны таратмыйлар, сорый тәтешләр

Шәһәр яны, Горький, Юбилей, Демина һәм башка урамнарда яшәүчеләр шалтыраттылар. Тәтешлеләрнең кайберләре хәтта газетаны почта бүлегеннән үзләре барып алганнар. Ләкин алар бит өйгә китереп бирер өчен акча түләгәннәр һәм сыйфатлы почта хезмәте күрсәтелергә тиеш. 

Почта бүлеге начальнигы Валентина Макаркина хәбәр итүенчә, шәһәрдәге кайбер участокларда поч­тальоннар булмау – вакытлыча күренеш. Сәбәп шунда, почта хезмәткәрләре билгеләнгән тәртип буенча ялга китәләр, ә аларны алмаштырып торырга кеше юк. 

– Дөрес, бер участокта почт­альон вакансиясе бар. Участокка хезмәт күрсәтелә, әмма, ни аяныч, район газетасын килгән көнендә үк һәрвакыт таратып чыгып булмый, – дип билгеләп үтте Валентина ­Макаркина.