Татарстанда быел “Игелекле төбәк – Игелек җире” республика конкурсы узды, һәм Тәтеш районының иреклеләр оешмасы да бәйгедә җиңүчеләр составына керде.
(Тәтеш, 29 август, “Тәтеш таңнары”). Тәтешлеләрнең “ТР иреклеләр мәгълүмати-ресурс үзәге” АКБО вәкилләре белән очрашуы “Барс” спорт-сәламәтләндерү комплексы базасында булды.
– Безнең эшчәнлек зурая, без яшьләрне җәлеп итәбез, – диде район башкарма комитетының спорт һәм яшьләр эшләре бүлеге начальнигы урынбасары Ксения Әхтәмова. – Яшь буынны патриотик тәрбияләүгә зур игътибар бүлеп бирәбез, Бөтенроссия дәрәҗәсендәге акцияләрдә катнашабыз, ярдәмгә мохтаҗ кешеләргә шефлык ярдәме күрсәтәбез, күмәк, спорт чараларында волонтерлык эшләре алып барабыз. Бүгенге эшебезнең төп бурычы – иреклеләр үзәге булдыру.
ТР иреклеләр мәгълүмати-ресурс үзәгенең башкарма директоры урынбасары Әдилә Хәсәншина, теләсә нинди эштә дә иң мөһиме – ул кеше, һәм оештыруның төп асылы – волонтерлар өчен һәм волонтерлар үзәгендә эшләр өчен уңайлы шартлар булдыру, дип ассызыклады.
Чара ахырында “ТР иреклеләр мәгълүмати-ресурс үзәге” АКБО, Тәтеш районы башкарма комитеты һәм районның муниципаль волонтерлык хәрәкәте вәкилләре Әдилә Хәсәншина, район башкарма комитеты җитәкчесенең социаль мәсьәләләр буенча урынбасары Наталья Николаева, Ксения Әхтәмова өч яклы хезмәттәшлек турындагы Килешүгә үз имзаларын куйдылар.
Тәтешлеләргә бүләк итеп ун волонтерлык жилеты тапшырылды.
Нет комментариев