Оныклар өчен үрнәк: катастрофаларны бетерүдәге батырлык

Бу дата дөнья тарихында миллионлаган кешенең язмышын «аңа кадәр» һәм "аннан соң"га бүлгән, моңарчы күрелмәгән техноген катастрофа көне буларак мәңгегә уелып калды.

Очрашуда исән калганнарны хөрмәтләделәр, мәрхүм булганнарны искә алдылар. ЧАЭСтагы аварияне, «Маяк» берләшмәсендәге һәлакәтне (1957 ел) ликвидаторлар, радиация инцидентларын (ПОР) бетерүдә катнашучылар, шулай ук техноген һәлакәтләрне бетерүдә үлгән кешеләрнең гаилә әгъзалары катнашты.

Район башкарма комитеты җитәкчесе Ирек Садриев искәрткәнчә, Тәтеш районында яшәүче 19 кеше үз теләкләре белән ЧАЭСның 4нче энергоблогындагы шартлау нәтиҗәләрен бетерүгә киткән.

Бүгенге көндә районда техноген һәлакәтләрне бетерүдә катнашкан 10 кеше яши.

"Ликвидаторларның тиңдәшсез батырлыгы булмаса, фаҗиганең масштаблары чиксез зур булыр иде. Без бу истәлекне балаларга һәм оныкларга тапшырырга тиеш", - дип ассызыклады Ирек Садриев.

Чарада катнашучылар район җитәкчелегеннән бүләкләр алдылар.