Призерлар һәм җиңүчеләр артты

(Тәтеш, 17 март, “Тәтеш таңнары”). 

Балаларны олимпиадаларга әзерләүдә укытучылар зур әһә­мияткә ия. Балаларыбыз Тә­теш районын Татарстан һәм Россия дәрәҗәсендә уңышлы тәкъдим итсен өчен педагоглар бар көчен куя. Күрсәткечләр үзләре үк шул хакта сөйли: агымдагы уку елы нәтиҗәләре буенча район мәктәпләре укучылары тарт­мачыгында 37 призлы урын бар.

Тәтештәге 1нче урта мәк­тәпнең химия укытучысы ­Валентина Мин­дубаева хез­мәттәшләре белән уңыш сер­ләрен уртаклашты. Ул олимпиа­даларда катнашуга әзерлек ел буе дәвамында, өстәвенә каникул вакытларында да бара, дип билгеләп үтте.   

– Олимпиадаларга һәм конкурсларга безне мәктәп автобусларында уңайлы итеп алып баралар. Баксаң, күп районнар маршрут таксиларында да килә икән. Ә инде мин укучыларны һәм җиңүчеләрне, призерларны әзерләгән укытучыларны ел саен матди бүләкләү турында әйткәч, башка районнардагы педагогларның йөзләрендә гаҗәпләнү һәм көнләшү хисләрен күрәм, – дип билгеләп үтте Валентина Алексеевна.  
Алабирде урта мәктәбенең 11нче сыйныф укучысы, мәк­тәп укучыларының сайлау хокукы һәм сайлау барышы мәсьәләләре буенча Бөтен­россия олимпиадасы төбәк эта­бының икенче турын уңышлы узган Әдилә Шәйхетдинова турында без газетабыз бит­ләрендә язган идек. Кыз Бө­тенроссия Олимпиадасы финалында Татарстанны тәкъдим итәчәк, ул агымдагы елның апрелендә Мәскәүдә үтәчәк. Әдилә югары нәтиҗәләргә ничек ирешә алуы турында сөйләде, уңышны ул укытучылары һәм әти-әнисе катнашындагы көндәлек хезмәт аркылы яулый алуын бил­геләп үтте.   

– Районыбызда олимпиада призерлары һәм җи­ңү­челәренең саны елдан-ел арта  бара, һәм бу юнәлештәге эшне дәвам итәргә кирәк, – диде ­район башлыгы Рәмис Сафиуллов чара ­ахырында.