Татарстан синоптиклары бүген кич һәм төнлә көчле җил турында кисәтә

(Казан, 7 ноябрь, «Татар-информ»). Бүген кичке сәгать алтыдан төн уртасына кадәр Татарстан территориясендә көчле җил исәчәк. Бу хакта республиканың Гидрометеорология һәм әйләнә-тирә мохитне күзәтү идарәсе кисәтә.

Төньяк-көнбатыштан искән җилнең тизлеге секундына 15-20 метрга кадәр җитәчәк.

Моннан тыш, синоптиклар мәгълүматларына караганда, иртәгә, 8 ноябрьдә, Татарстанның кайбер юлларында бозлавык булырга мөмкин. 

 https://tatar-inform.tatar/news/2019/11/07/196563/