Татарстанда 1,5 млн данә агач утырттылар

(Казан, 5 октябрь, «Татар-информ»). Бүген Татарстанда «Урман атнасы — 2019» республика табигать саклау акциясе һәм «Урманны саклыйк» Бөтенроссия акциясе кысаларында күпләп агачлар утырттылар. Казанда «7нче шәһәр клиник хастаханәсе» территориясе үзәк мәйданчык булды. Бу турыда Татарстан Урман хуҗалыгы министрлыгының матбугат хезмәте хәбәр итә.

Бүген республика буенча барлыгы 300 гектардан артык мәйданда 1,5 млн үсенте (гади нарат, европа чыршысы, себер карагае, вак яфраклы юкә, миләш үсентеләре) утыртылды.

https://tatar-inform.tatar/news/2019/10/05/194812/