Тәтешкә Казан һәм Татарстан Митрополиты килде

Әлеге уңайдан Тәтеш­, Кре­с­то­воздвижение чир­кәвендә, престол бәй­рәме булды. Дини литургияне Казан һәм Та­тарстан митрополиты Кирилл алып барды.
Бу көнне халык күп булды, алар арасында өлкәннәр дә, балалары белән яшь аналар да, тәтешлеләр дә, авыл кешеләре дә бар иде.
– Раббыбыз бүген барыбызга да үзенең шушы бөек ризалыгы аркылы фатиха бирә. Ул хачтан үзенең кулларын ике якка җәеп җибәргәч, бөтен дөньяны кочагына ала. Аллаһ – барлыкка китерүче, ул бу тормышта безгә барысын да биргән. Хачка олылап табынырга, үзеңне хаклык һәм дин белән яктыртып җибәрергә кирәк, һәм Аллаһ кабаттан-кабат бездә мәрхәмәтлелек уятыр, һәм бүгенге көндә без барыннан да бигрәк нәрсә сорыйбыз – тынычлык, иминлек, сәламәтлек бирәчәк, – дип мөрәҗәгать итте чиркәүгә килүчеләргә тантаналы бәйрәм ахырында Казан һәм Татарстан Митрополиты ­Кирилл.  
–     Әниемнең якты дөньядан китүенә бүген алты ел. Аны искә алыр һәм Аллаһтан һәркемгә сәламәтлек, тыныч­лык, җи­тешлек сорар өчен чиркәүгә килдем. Бирегә бәйрәмнәрдә йөрибез, күңе­лебез белән Аллаһка ышанабыз. Гыйбадәт кылу йоласы бик ошады, чиркәү хорында җырлаучылар яхшы җырладылар, – дип уртак­лашты Лидия.