Тәтештә IX чакырылыш РФ Федераль Җыены Дәүләт Думасына депутатлар сайлауда тавыш бирү дәвам итә.
2589нчы сайлау участогы районның Людоговка мәдәният йорты бинасында урнашкан.
Бинада тыныч һәм эшлекле мохит хөкем сөрә: участок комиссиясе әгъзалары сайлаучыларга оператив ярдәм итәләр һәм тәртипне күзәтәләр.
2589нчы сайлау участогы УИК рәисе Дмитрий Пирогов мәгълүматлары буенча, гражданнарның активлыгы тавыш бирүнең беренче көнендә үк, 18 сентябрьдә югары булып чыкты.
Участок ачылганчы ук аның янына 50гә якын кеше җыелды, чират барлыкка килде, чөнки күпләр өчен бу эш көне иде.
"Халык ышаныч белән барды, төшкә кадәр бик күп агым булды. Участок комиссиясе әгъзалары хәтта баш күтәрмәделәр дә, шулай дип әйтергә була", - дип билгеләде Дмитрий Николаевич.
Тавыш бирүчеләр арасында — МХО катнашучылары, шулай ук өйдә тавыш бирергә гариза биргән кешеләр. Барлыгы 67 шундый гариза теркәлгән.
Нет комментариев