ТКХ хезмәтләренә түләүдә социаль ярдәм чаралары

(Тәтеш, 14 май, “Тәтеш таңнары”, Николай Плотников). 

Соңгы өч елдан да артык булмаган вакытта әҗәтләре җыел­ган һәм суд актлары белән расланган булса, ТКХ хезмәтләре буенча түләү чыгымнарына компенсация бирелми. Әгәр бурычлар уңай сәбәпләр нәтиҗәсендә җыелган булса, компенсацияне кире кагарга тиеш түгелләр.   
– Инвалидларга һәм инвалид балалары булган гаиләләргә ТКХ хез­мәтләренә түләүгә чыгымнар компенсациясе 50 процент күләмендә бирелә, – дип ачыклык кертә Тәтеш районы прокуратурасы хезмәткәрләре. – Шулай да  коммуналь хезмәтләрне түләүгә чыгымнар компенсациясе расланган нормативлар буенча башкарыла, аларны куллану исәпләү  приборлары күрсәткечләре буенча билгеләнә. Шулай ук I һәм II төркем инвалидлары күп фатирлы йорттагы уртак милекне капиталь ремонтлаганга чыгымнар компенсациясе алу хокукына ия, ләкин билгеләнгән күләмнән артык түгел. 

Бөек Ватан сугышында һәм хәрби хәрәкәтләр­дә катнашучы ветераннарга РФ субъекты законы белән билгелән­гән тәртиптә 50 процент күләмендә ТКХ хезмәтләрен түләүгә чыгымнар компенсациясе бирелә. Укыган вакытта тулай торакта яшәүче ятим балалар, ата-ана тәрбиясеннән мәхрүм калган балалар, алар исә­беннән булган затлар, шулай ук укыган вакытта әти-әнисенең икесен дә яки бердәнбер әти-әнисен югалткан затлар тулай торакта торак бинадан файдаланган өчен түләүдән азат ителәләр. РФ субъектларында социаль ярдәмнең өстәмә чаралары билгеләнергә мөмкин.