Тотрыклылык һәм тәртип хезмәтендә

Әлеге дата җитәрәк без Тәтеш районындагы ведомстводан тыш сак бүлеге җитәкчесе полиция подполковнигы Ринат Биктаһиров белән әңгәмә кордык. 

– Ринат Гомәрович, бу юбилей датасы сезнең өчен нәрсәне аңлата?

– Бу барлык хезмәткәрләр өчен дә үтелгән озын юл. Хәзерге вакытта Россия илкү­ләм гвардиясе гаскәр­ләре Ватанны саклаучы­ларның күп гасырлык данлы традицияләрен дәвам итә. Бу традицияләр эчке эшләр министрлыгының эчке гаскәрләре, ОМОН һәм СОБР бүлекләре, ведомстводан тыш сак һәм лицензия-рөхсәт бирү хезмәтләре тәҗрибәсен берләштергән заманча буын­нарның батырлыгы белән тагын да тулылана.

– Бүгенге көндә Росгвардия системасында ведомстводан тыш сак нинди роль уйный?

– Ведомстводан тыш сак – иң күп санлы һәм ихтыяҗ зур булган хезмәтләрнең берсе. Аның хезмәткәрләре шартнамәләр нигезендә физик һәм юридик затларның мөлкәтен саклау буенча мөһим бурычларны үти­ләр. Дәүләт әһәмиятендәге объектларның һәм кешеләр күп җыелган урыннарның террорга каршы сакланышын күзәтәләр. Алар арасында хакимият органнары биналары, тарихи һәм мәдәни мирас объектлары, мәгариф, медицина учреждениеләре, корал сак­лау бүлмәләре һәм башка бик күп нәрсәләр бар. Ягъни без гражданнарның һәм оешмаларның мөлкәтен сак­лауны тәэмин итәбез, объектларның террорга каршы торышын кон­троль­дә тотабыз, тревога сигналларына тиз арада җавап бирә­без. Безнең хезмәткәрләр һәркөнне иминлек сагында тора.

– Безнең районда бу бүлек нинди бурычларны үти?

– Хәзерге вакытта Тәтеш шәһәре буенча тоткарлау төр­ке­ме йөри. Маршрутларны дөрес төзү хисабына күчмә нарядлар чакыру сигналы буенча объектларга санаулы минутлар эчендә барып җитәләр. Калган вакытта алар урамнарны патрульлек итәләр һәм тәү­лек әйләнәсе граж­даннарның иминлеген тәэмин итәләр.

Тәтеш районы буенча ведомстводан тыш сак бүлегенең үзәкләштерелгән сак пунктында техник җайланмалар ярдәмендә 300дән артык төрле милек объектлары, фатирлар, граждан­нарның яшәү һәм милек саклау урыннары, шулай ук транспортлары сак­лана. Кулланыла торган үзәкләштерелгән күзәтү пультлары мәгълүмат җыю һәм эшкәртүнең автоматлаштырылган компьютер системаларына ия. Сак­лана торган объектларда Росгвардиянең фәнни-тикшеренү үзәгендә тест үткән югары ышанычлы сак җайланмалары ­урнаштырыла.

– Бүгенге көндә сак хезмә­тенең нәтиҗәлелеге нинди?

– Нәтиҗәлелек тәҗрибә бе­лән раслана: ун елдан артык вакыт эчендә сак­ланучы объектларда бернинди дә угрылык очрак­ларына юл куелмады. Бу хезмәткәрләрнең бердәм хезмәте һәм заманча техник җайланмалар – сигнализация, тревога төймәләре, автоматлаштырылган күзә­тү системалары куллану нәтиҗәсе.

– Ведомстводан тыш сак хезмәткәрләре нинди сынаулар белән кисешә?

– Төп сынаулар – ул тиз арада карар кабул итү кирәклеге, югары җа­вап­лылык һәм бу­рыч­­лар­ның күп төрлелеге. Без­нең хезмәткәрләр җина­ять­ләр­не кисәтеп кенә калмыйча, гадәттән тыш хәлләрдә дә ярдәм итәләр. Бу башкаларның иминлеге өчен көн саен үзләрен куркыныч астына куючы кешеләр. Аларның һө­нәри осталыгы, дисцип­линасы һәм үз эшенә туг­рылыгы – җәмгыятьтәге тотрыклылыкның һәм тәр­типнең нигезе.

– Әңгәмәгез өчен рәхмәт.

фотоны Ринат Биктагиров тәкъдим итте