Тәтешлеләр тантанада катнашты

(Тәтеш, 9 июнь, "Тәтеш таннары").
Идел буе Болгарында Ислам динен рәсми кабул итү көненә багышланган чара Болгар музей-тыю­лыгында 1989 елдан бирле үткәрелә. Бәйрәмдә Татарстан Президенты Рөстәм Миңне­ханов, Россия­нең төрле төбәкләреннән ха­җилар, дин әһелләре, район башлык­лары, министр­лыклар һәм ведомстволар җи­тәкчеләре, респуб­лика халкы катнашты. Кунак­ларга зур программа: язу тарихына багышланган намаз дәресләре һәм интерактив мәйданчык; мастер-класслар; билбау көрәше буенча турнир ярышлары; осталар ярминкәсе тәкъдим ителде. Теләге булганнар намазга кушылдылар, рухи музыка концертын тыңладылар, музейларда булдылар.