Үзәк юлны яңарттылар

– Бу иң ­борынгы урам­нарның берсе. Яңартылган юл өлешенең озынлыгы якынча 350 метр. Калган урам юлларына күптән инде вак таш-ком катнашмасы җәелде, ә Совхоз соңгысы булып калды. Чөнки кайчандыр ул бездә асфальт түшәлгән бердәнбер урам иде, – дип сөйли Зоя Александровна.

– Төзекләндерү эшләрен август аенда башладылар. Башта юлны грей­­­дер белән эттерделәр, тигезләделәр, өслекне ти­рәнәйттеләр. Бик эре булмаган таш салабыз, йөрергә уңайлы булачак, дип әйт­теләр. Бик яхшы итеп тыгызладылар.  Су агып китсен өчен як-якларына канау­лар ясадылар,  шуңа күрә күл­ләвекләр дә булмаячак. Юл элеккегә караганда шактый киңәйде. Хәзер нинди генә һава торышы булмасын, өйгә бернинди кыенлыксыз кайтып җитәбез, бөтен җир чиста һәм пөхтә.

Хатын-кыз юл эшләрен башкаручыларга вак-төяк­кә аеруча да игътибарлы булганнары өчен рәхмәтле.

– Балалар мәйданчыгы янындагы ­борылышта ти­рән чокыр бар иде. Аны төзекләндерү эш планына кертелмәгән булган. Әмма юл мастеры безнең үтенечне кире ­какмады һәм: “Балалар хакына эш­ләрбез”, – дип җавап бирде. Нәтиҗәдә чокыр да юкка чыкты, – дип елмаеп сөйләде ТИҮ рәисе.

Совхоз урамында 25 йорт урнашкан, аларның күбесендә кешеләр яши.

– Бу безнең үзәк урам, – ди Зоя ­Александровна. – Күптән түгел биредә бөтен поселок белән торак пунктның 100 еллыгын билгеләп үттек. Урам һәрвакыт җанлы, бигрәк тә анда яшәүчеләрнең он­ыклары каникулга кайт­кан вакытта. Барлык күр­шеләр дә бик канәгать. Юлны төзекләндерүгә өл­еш керткән һәм аны тө­зегән барлык кешеләргә садоводлылар исеменнән зур рәхмәт белдерәбез.