“Валда шинясь” социаль челтәрләрдә узачак

(Тәтеш, 13 июнь, "Тәтеш таңнары"). Килдештә фестиваль беренче тапкыр 2014 елда үткәрелде. “Валда шинясь” бәйрәме яки Җәйге кояш торгынлыгы көне мордва халкының гореф-гадәтләрен яңартуны, этник истәлекне саклауны һәм фольк­лор коллективларына, халык осталарына үзләрен күрсәтү мөмкинлеген бирүне күз уңында тота. 

Бәйрәмне ел саен “Тюштянь турында хикәя” дип исемләнгән кереш бүлек ачып җибәрә иде, “Тюштянь ярминкәсе” – халык осталары әйберләреннән сату-күргәзмә эшләде. Быел коронавирус таралуга юл куймау ­максатында “Валда шиняс” VII мордва мә­дәниятенең республикакүләм фестивале Тәтеш районында онлайн рәвештә узачак. Теләге булган һәркем 15нән 21 июньгә кадәр үзенең социаль челтәрдәге битенә узган еллардагы фотоларны яки видеоязмаларны #Валдашинясь2020 #мәдәнитатарстан #татарстанмәдәнияте #татарстан #трмә­дә­ни­ятми­нистрлыгы #Тәтешрайоны мәҗбүри хештеглары белән урнаштырып, интернет-акциядә катнаша ала. 21 июньдә “Ютуб” каналында республиканың мордва коллективларының фестиваль чыгышларын трансляцияләү була.