Хатын-кызга суккан

Тәтеш район суды элек хөкем ителгән 36 яшьлек ир-атны хатын-кызны кыйнауда гаепле дип ­таныган.
– Хөкем ителүченең элек тә сәламәтлеккә авыр зыян китергән өчен хө­­кем ителүе ачыкланды, ләкин үзе өчен тиешле нәтиҗәләр ясамаган. Шулай итеп, 2024 елның 24 октябрен­дә 22 сәгать 50 минут тирәсендә, гаепләнүче, исерек килеш, Алабирде авылындагы бер йорт­ бол­дырында басып торганда, кунакта булган танышы белән бәхәсләшә башлый. Шул вакытта аны кулыннан эләктереп ала һәм ким дигәндә ике тапкыр сугып җибәрә. Шул рәвешле зыян күрүчегә физик авырту китерә һәм сәламәтлеге­нә зыян кил­мәслек тән җәрәхәт­лә­ре ясый, – дип хә­бәр итә прокуратура хез­мәткәрләре. – Ир-ат гаебен танымады. Суд тарафыннан аңа 10 айга иреген чикләү рәвешендәге җәза билгеләнде. Аңа төнге вакытларда өйдән чыгу, спиртлы эчем­лекләр куллану белән бәйле урыннарга бару, шулай ук Тәтеш районы территориясеннән чыгып китү тыела.

фото: Татар-информ