Хәзер коридорларда космик яктырткыч бар

Татарстанда сәламәт­лекләре буенча мөмкин­лекләре чикле (ишетү сәләтендә тайпылышлары булган) балалар өчен бер­дәнбер лагерь 2017 ел­да Тәтеш рай­онының Урюм авы­­лын­да ачылган иде.

Е. Г. Ласточкина исемен­дәге Казан мәктәп-интер­натының филиалы ике кат­лы бинада урнашкан, анда тәрбияләнүчеләргә яшәү өчен уңайлы барлык шартлар да тудырылган. Лагерьның тө­зек­лән­де­релгән терри­ториясендә заманча спорт һәм балалар мәйданчыгы, ял итү өчен беседка бар.

“Карлыгач”ның туган көне уңаеннан үткәрелә тор­ган танта­на­лар нәкъ тә биредә узды да инде. ­

– Бу көнне бездә ТР Дәү­ләт Советы депутаты Ләлә Кудерметова булды, ул безгә һәрдаим ярдәм күрсәтә.  Мисал өчен, аның булышлыгы белән бинаның түбәсе алыштырылды, ин­тернет элемтәсе кабеле ясалды. Шулай ук безгә  мә­­га­риф-сәламәтләндерү учреждениесенең хәй­рия­челәре һәм даими парт­нер­лары килде.

Мондый бәй­рәмдә ­бала­­­лар­ның уңай­лылыгы һәм ­үсе­ше өчен хезмәт итә­­чәк бү­ләк­­ләр алу һәрвакытта да күңелле, әлбәттә. Мә­сә­лән, хәзер бездәге керү юлында лагерьның исеме һәм логотипы белән як­тырткыч,  коридорларны һәм йокы бүлмәләрен кос­­мик яктырткыч, та­ган­нар, уен җиһазлары ­бар­­­лык­ка килде. Балаларга бәйрәмнәр үткәрү һәм күч­мә чаралар өчен лагерь ло­го­типы белән төс­ле фут­болкалар, бейсболкалар яса­лды. Зур торт ­ ­тат­лы сый булды. “Кар­лыгач”та тәр­бия­лә­нү­челәр, ­әле­ге сменада алар 19 бала, кунак­лар­ны үз иҗатлары бе­лән сөендер­деләр, – диде лагерь начальнигы Дмитрий Пирогов. 

фото: vk.com/club156370079