Футбол кырындагы уен сигез команданы берләштерде

Спорт уенында Алабирде, Кече Әтрәч, Зур Әтрәч, “Нур” агрофирмасы, Олы Тормы, Келәш авылларыннан сигез команда катнашты. Алтынчы тапкыр үткәрелгән әлеге тур­нирда һәрбер ир-егет җиңү өчен бар осталыгын эшкә җикте. Стадион футболчылар, спорт сөючеләр, җанатарларның күңелле тавышларына күмелде.

Гадел хөкемдарлар Тәслим Фәтхуллин белән Фәяз Мин­нуллин һәр уенчыга алга таба спорт белән дуслыклары дәвам итүен теләделәр. 

– Футбол кырында бик кызу яр­ыш барды. Әлеге уенны оеш­тырган Самат Нургалиев үзе дә анда һәрчак катнаша һәм аны уздыру өчен янып-көеп йө­ри. Уенның иганәчеләре “Нур” агрофирмасы җитәкчесе Радик Нур­галиев белән Казан эшкуары Рамил Мөхәмәдуллин ярыш җиңүчеләрен истәлекле бүләк­ләр белән сөендерделәр. Моны­сы инде аеруча да күңел­ле минутлар булды, – дип уртак­лаштылар футбол ярышын ка­рарга барган җанатарлар.   

Кызу уенда урыннар һәм җиңү­челәр түбәндәгечә билгеләнде:

“Нур” агрофирмасы командасы – 1нче урында; 
Зур Әтрәч авылы командасы – икенче урында;
Келәш авылы командасы – өченче урында. 

Адель Шакиров – иң яхшы һөҗүмче; 
Марат Салаватуллин – иң яхшы сакчы; 
Илмир Сәйфуллин – иң яхшы капкачы; 
Алабирде укучылары – иң өметле команда; 
Алабирде яшьләре җиңүгә омтылучы команда дип танылды.

фотоны Алсу Шәһиәхмәтова тәкъдим итте