Яшьлек еллары искиткеч

Бу хакта газетаның һәр чыгарылышыннан соң күпсанлы шалтыратуларыгыз сөйли. Ел дәвамында без шәһәр һәм район оешмалары һәм предприятиеләре хезмәткәрләренең фотоларын бастырдык, ә сезгә фотода нинди коллектив сурәтләнгәнен һәм фотодагы кешеләр турында сөйләргә кирәк иде. 

Бүген без «Яшьлек еллары искиткеч» дигән яңа проект старт алуы турында игълан итәбез, ул шулай ук сезгә балачак һәм яшьлек елларына кайтып килергә, үткәннәрне искә төшерергә ярдәм итәчәк. Газета битләрендә без төрле еллардагы балалар бакчасы, мәктәп һәм студентлар фоторәсемнәрен бастырачакбыз. Сезгә фотоның ничәнче елда ясалганын белергә, анда нинди уку йорты тәрбияләнүчеләре, укучылары яки студентлары сурәтләнүен, һәм фотосурәттәге тәрбиячеләрнең, педагогларның һәм укучыларның (студентларның) фамилияләрен генә атап калмыйча, алар турында мөмкин кадәр күбрәк сөйләргә кирәк булачак. Шулай итеп, яңа сәяхәтебезгә рәхим итегез!