Район башлыгы Рәмис Сафиуллов районның янгын сагы хезмәткәрләрен һәм ветераннарын котлый

Район башлыгы Рәмис Сафиуллов районның янгын сагы хезмәткәрләрен һәм ветераннарын котлый:

– Сезнең хезмәт һәрвакыт иң куркыныч, әмма иң игелекле хезмәтләрнең берсе булды. Сез районда гадәттән тыш хәлләрне булдырмый калуга һәм аларга каршы тору белән бәйле чараларны вакытында үткәрүгә, профилактик эшчәнлек алып баруга зур игътибар бирәсез.
Үзегезгә йөкләнгән олы һәм авыр бурычны намус белән үтәвегез һәм һәрвакыт оперативлык күрсәтүегез өчен барлык янгын сагы хезмәткәрләренә, тармак ветераннарына зур рәхмәт. 

Сезгә җиңел булмаган эшегездә уңышлар, батырлык, гаиләләрегезгә бәхет һәм ныклык телим, янгын машиналарының сиреналары мөмкин кадәр сирәгрәк яңгырасын иде.