Район башлыгы Тәтеш районындагы ведомстводан тыш сак бүлеге хезмәткәрләрен котлый

Район башлыгы Рәмис Сафиуллов Тәтеш районындагы ведомстводан тыш сак бүлеге хезмәткәрләрен һәм ­ветераннарын котлый: 

– Ведомстводан тыш сак көне – кешеләрнең иминлеген саклаучылар, дәүләтнең һәм хосусый милекнең сакланышын тәэмин итүчеләр бәйрәме. Бүгенге көндә ведомстводан тыш сак – ул заманча, техник яктан яхшы җиһазландырылган хезмәт, ул хокук бозулар турындагы сигналларга тиз арада җавап бирә. Хезмәт ветераннары хәзерге хезмәткәрләр өчен үрнәк булып тора, алар аның үсешенә зур өлеш керттеләр, хәзерге вакытта яшь кадрлар тәрбияләүдә бәһаләп бетергесез ярдәм күрсәтүләрен дәвам итәләр.

Әлеге бәйрәм көнендә һәркемгә нык сәламәтлек, имин тормыш, түземлек, эшләрендә уңышлар, һөнәри осталык, бәхет һәм җитешлек телим!