Рәмис Сафиуллов автомобиль транспорты хезмәткәрләрен бәйрәм белән котлый

Район башлыгы Рәмис Сафиуллов автомобиль транспорты хезмәткәрләрен, тармак ветераннарын һәм һәвәскәр автомобильчеләрне бәйрәм белән котлый:

– Шәһәребез һәм районыбыз өчен автомобиль транспорты зур әһәмияткә ия, күп очракта ул икътисад һәм социаль өлкәнең барлык тармакларының өзлексез һәм ышанычлы эшен билгели.

Барлык машина йөртүчеләргә, ремонт эшчеләренә, инженер-техник хезмәткәрләргә ихлас рәхмәтемне белдерәм, транспорт хезмәтләрен башкару турыдан-туры алар хезмәте белән тәэмин ителә. Ветераннар аерым рәхмәткә лаек, аларның бай тәҗрибәсе һәм фидакарь хезмәте автомобиль транспортының алга таба уңышлы эшләвенә һәм үсешенә нигез булып тора.

Һөнәри бәйрәмегездә көндәлек хезмәтегез, максатчанлыгыгыз, эшкә бирелгәнлегегез өчен рәхмәт сүзләрен кабул итеп алыгыз. Сезгә чын күңелдән нык сәламәтлек, бәхет һәм җитешлек, имин юллар, эшегездә уңышлар телим!