Рәмис Сафиуллов эчке эшләр органнары хезмәткәрләрен һәм ветераннарын бәйрәм белән котлый
10 ноябрь – РФ Эчке эшләр органнары хезмәткәрләре көне/
Район башлыгы Рәмис Сафиуллов эчке эшләр органнары хезмәткәрләрен һәм ветераннарын бәйрәм белән котлый:
– Сез үзегезне авыр, ләкин игелекле эштә хезмәт итүгә багышлагансыз. Сезнең хезмәтегез – район халкының иминлеге һәм тынычлыгы гарантиясе. Сез батырлык, чыдамлык, фидакарьлек күрсәтеп, закон һәм тәртип сагында торасыз. Районның абруе, җәмгыятьтәге татулык һәм тынычлык, һәр кешенең якланган булуы сезнең осталыкка, җаваплылыкка, намуслылыкка бәйле.
Ветераннарга аерым котлау сүзләре җиткерәсе килә. Сезнең хезмәткә ихлас мөнәсәбәтегез олы хөрмәт уята, ә яшь буын белән уртаклашырга әзер булган бай тәҗрибәгез – алыштыргысыз белем хәзинәсе.
Авыр хезмәтегездә чын күңелдән уңышлар, куелган бурычларны җиңел хәл итүегезне, даими камилләшүегезне, эшегездә югары нәтиҗәләргә ирешүегезне телим. Сезгә һәм сезнең туганнарыгызга нык сәламәтлек, бәхет һәм иминлек телим.
Следите за самым важным и интересным в Telegram-каналеТатмедиа
Нет комментариев