Келәшлеләр театр куйдылар

Авыл кешеләре әй­түенчә, артистлар аларга бик матур ял сәгате оештырган. Мәдәният йорты хезмәткәрләре Гөл­чәчәк һәм Рәшит Гали­мов­лар, китапханәче Гөл­финә Әмер­ханова, үзеш­чәннәр Гөл­генә Садыйкова, Зө­фәр Мин­һаҗев һәм Марс Җама­летдиновлар үз роль­­­­ләрен чын артистлар­ча осталык белән башкарганнар. Әлеге спектакль тама­ша­чыларны көлдергән дә, елаткан да, үткәндәге яшьлекләрен, авыр еллар хатирәсен тагын бер кат йөрәкләрендә кузгаткан. 

Күренешнең үзәгендә – тормышын сугыш үзгәрт­кән яшь солдат Мифтахетдин язмышы. Фронтка алынгач, ул озакламый дошманга әсирлеккә эләгә. Кача башлагач, ул фин урманнарында югала. Яраланган килеш аны Диләрә исемле кыз таба. Туган илендә эзәрлекләү куркынычын аңлап, Мифтахетдинне Швециягә озаталар, анда ул 50 ел гомер ки­черә. Спектакльнең төп мәгънәсе – Мифтахет­диннең үзенең яшь хатыны Фәгыйләгә фронтка китәр алдыннан бүләк итеп калдырган беләзеге. Аны ул саксызлыгы белән урталай сындырган бу­ла. Күп еллар чит илдә яшәгәннән соң, Мифтахетдин гаиләсе белән очрашу хакында хыяллана. Әмма кайтуы якыннарына зыян китерергә мөмкин дигән курку хисе аны бу ниятеннән туктатып кала. Нәтиҗәдә геройларның яз­мы­шын чит илдән килгән хат үзгәртә... 

Тамаша үзенең күпкыр­лылыгы белән таң калдыра: әтисе белән улының дистә еллардан соң очрашуы күңелле күренешләр, кызыклы мизгелләр белән үрелеп бара. Бу мәхәббәт һәм гаиләнең мәңгелек кыйм­мәтләрен искә тө­шереп, елмайта да, күз­ләрне дә чылата торган тарих! Уйланырга, гыйбрәт алырга да җирлек бар монда...
фото: Наталия Фролагина