Курск дугасында дүрт йөздән күбрәк тәтешле катнашкан

(Тәтеш, 23 август, "Тәтеш таңнары").t Әлеге яуда Николай Петрович Иванов батырлык күр­сәткән, 1943 елның августында аңа Ленин ордены һәм “Алтын Йолдыз” медале тапшыру белән Советлар Союзы Герое исеме бирелгән. Ивановның гау­бицалы полкы белән танк­лары дошман пехотасы һәм артиллериясенең бәрелеше ун сәгать дәвам иткән. Дош­ман үтә алмаган. Икенче көнне майор Иванов дивизия штабына үз полкының бәрелештәге нәтиҗәләре турында җит­кергән: 18 танк, 4 артиллерия һәм миномет батареялары, 2 сугыш кирәк-яраклары склады, хәрби йөк белән 20 олау, 6 автомашина, 5 пулемет, дош­ман пехотасының 3 ротасы юк ителгән.

Районыбызда хәзер­ге вакытта әлеге бәрелештә катнашкан бер кеше – Пролей-Кашада туган Михаил Дмитриевич Якушкин гына исән. “Бу вакытта без кояшны күрмәдек: сугыш һавада да, җирдә дә барды. Күктән авиабомбалар, шулай ук җи­мерелгән очкычлар егылып төште”, – дип искә ала ветеран. Гвардия ефрейторы Якушкин II дәрәҗә Ватан сугышы ордены, “Варшаваны азат иткән өчен”, “Сугышчан батырлыгы өчен”, “Берлинны алган өчен” һәм Жуков медальләренә ия булган. Бөек Ватан сугышында кат­на­шучыларның гоме­ре һәм батырлыгы – каһарманлык, Ватаныбызга тугрылык үрнә­ге. Безнең бурыч – аларны хәтерләү.