Тәтешләр аларның батырлыгы онытылмый

(Тәтеш, 16 декабрь, “Тәтеш таңнары”).
Дошманның каршылыклы һөҗүмен өзгән 
Михаил Тимофеевич Кабанов 1923 елда Тәтеш районы Яшевка авылында туган. 1942 елның апреленнән Бөек Ватан сугышы фронтларына Тәтеш районы хәрби комиссариаты тарафыннан мобилизацияләнгән. Гвардия сержанты, 17нче укчы полкның, III Белоруссия фронтының 11нче гвардия армиясе 5нче укчы Городокски Кызыл Байрак орденлы Суворов дивизиясенең пулемет расчеты командиры. Бүләкләү кәгазеннән: “Иптәш Кабанов Минск өлкәсе Борисов шәһәре өчен барган сугышларда үзенең расчеты белән бергә, роталарның сугышчан рәтендә тәүгеләрдән булып дошманның беренче траншеясына, ә аннары икенчесенә үтеп керде. Кабанов расчетына снаряд турыдан-туры эләгү аркасында сафтан чыкты, ә пулеметының каплавычы кыйпылчыклар белән тишкәләнгән иде. Бу вакытта дошман каршылыклы һөҗүмгә күчте, иптәш Кабанов, “максим” янында ялгызы калып, төзексезлекне бик тиз җайга салды, фашистларга көчле ут ачты һәм дошманның каршылыклы һөҗүмен өзде. Моңардан соң дошман тагын ике тапкыр каршылыклы һөҗүм күрсәтте, әмма иптәш Кабанов үзенең “максимы” янында кыю һәм нык торды һәм дошманның каршылыклы һөҗүмен кире кайтарды. Березина елгасын кичкән вакытта, дошманның көчле артиллерия утына да карамастан, иптәш Кабанов үзенең расчеты белән бергә өч бүрәнәне бәйләп сал ясады, шушы ук елганың көнбатыш ярына беренче булып юнәлеш алды һәм 9нчы укчы ротага аркылы кичеп чыгу урынын тәэмин итте, бу барлык полкның аркылы кичеп чыгуына йогынты ясады. 8.07.1944 елда Литва ССРның Девищанск районы Екимово авылы өчен барган яуларда батальон дошман тарафыннан ярымбоҗра рәвешендә чолгап алынды, иптәш Кабанов расчетта берьялгызы калды һәм үзенең пулеметы белән дошманның каршылыклы һөҗүмен кире кайтарды, моның белән беррәттән 50дән күбрәк гитлерчыны юк итте. Иптәш Кабанов яуларда булган вакытта 280 немец солдатын һәм офицерын юк итә алды. Советлар Союзы Герое исеме бирелүгә лаек”.

Михаил Тимофеевич Кабанов алган яраларыннан 1944 елның августында һәлак булган. Сугышчан бүләкләре: Кызыл Байрак ордены, III дәрәҗә Дан ордены, “Сугышчан батырлыклары өчен” медале.