“Ватанга дан!”

(Тәтеш, 1 ноябрь, "Тәтеш таңнары"). 1 ноябрь көнне Тәтеш шәһәренең 2 нче урта мәктәп яны лагере белән бергә Халыклар бердәмлеге көненә багышланган “Ватанга дан!” дип исемләнгән патриотик сәгать узды. Электрон презентация ярдәмендә балалар бәйрәмнең килеп чыгу тарихы турында белделәр, шулай ук бу тема буенча видеофильмнар күрсәтелде. Интерактив викторина барышында укучылар алган белемнәрен күрсәттеләр, ә «бердәмлек» сүзенең мәгънәсен, бу төшенчәне символлаштыручы чәчәк җыеп, әлеге терминның асылын характерлаучы сүзләр язып әйттеләр.