Ямбактыда “Без онытырга хаклы түгел” дип исемләнгән әдәби-музыкаль композиция үткәрелделәр

(Тәтеш, 3 март, “Тәтеш таңнары”). 28 февраль көнне “Китап битләре сугыш турында сөйли” дип исемләнгән хәтер эстафетасы кысаларында Ямбакты авылы китапханәсендә укучылар өчен “Без онытырга хаклы түгел” дип исемләнгән әдәби-музыкаль композиция үткәрелде.

Китапханәче халкыбызның җилкәсенә төшкән авыр сынаулар, өлкәннәр белән беррәттән көтеп алынган җиңүне якынайткан балалар, аларның сугыш елларында башкарылган батырлыклары турында сөйләде, китапханә фондында булган Бөек Ватан сугышы турындагы китаплар белән таныштырды. В.П. Катаевның “Полк улы” повестеннән өзек күрсәтелде. Чара бер минут тынлык белән тәмамланды.