Байрашта җанлы очрашу булып үткән

Байраш авылы китапханәсендә дулкынландыргыч һәм чын мәгънәсендә җанлы очрашу булып үткән.

- Мәктәп укучылары махсус хәрби операция зонасында үз бурычларын үтәүче ике якташыбыз - чын геройлар белән аралаштылар. Турыдан-туры сөйләшү барышында кунаклар хезмәт итү турындагы күпсанлы сорауларга җавап биреп кенә калмыйча, балаларның тормышы белән дә ихластан кызыксындылар: укулары, мавыгулары һәм киләчәккә планнары турында сораштылар. Бу очрашу чын геройларның китап яки фильм персонажлары гына түгел, ә авыр чакта Ватанны сакларга баскан гади кешеләр булуын күрсәтүче ачык үрнәк булды, - дип уртаклашты Тәнзилә Йосыпова.