“Себер” отрядында хезмәт итә

– РФ Оборона министрлыгы белән хәрби хезмәт узу турындагы контракт­ны имзалау карарын мин бер көндә генә хәл итмәдем, ул төптән уйланып һәм үлчәнеп эшләнде. Контрактны имзалау вакытында минем махсус хәрби операция зонасына бару тәҗри­бәм бар иде инде, шуңа күрә үземне нәрсә көткәнен бик яхшы аңладым.

Әти-әнием өчен дә минем карар көтелмәгәнчә булмады, алар минем омтылышымны белделәр. Әлбәттә, алар моңа берникадәр борчылдылар, ләкин, минем те­ләгемне белгәнгә күрә, үгет­лә­мәделәр һәм һәр нә­рсәдә мине хуп­ладылар. 

Армиядә махсус билгеләнештә  хезмәт итү сугышчылардан югары дәрәҗәдәге осталык таләп итә, әмма бу “граж­данка”дан анда эләгү мөмкин түгел дигән сүз тү­гел әле. Бүгенге көндә тактик-мах­сус, инженер, утлы коралдан атуга әзерлек һәм  башка күп-күп нәрсәләр турыдан-туры махсус хәрби операция барышы шартларында үзләштерелә. Шунысын билгеләп үтәргә кирәк, моңардан әзерлек сыйфаты бары тик арта гына бара. Командирларымның һәм хезмәттәшләремнең күбесе гаять зур хәрби тәҗрибәгә ия, бу махсус хәрби операция кысаларында хезмәт итүне генә түгел, ә локаль сугышларда, “ерак юнә­лешләрдә” хезмәт итү тәҗ­рибәсен үз эченә ала. Тупланган тәҗрибәләре бе­лән алар мактанмыйлар, ә бик теләп уртаклашалар һәм хәрби хезмәт неч­кәлекләрен үзләштерүдә яр­дәм итәләр. 

Махсус хәрби ­операция узу зонасында Россия Федерациясе Кораллы Көчләре сафларын тулыландыру ­турында үзем кабул иткән карар­га бер генә дә үкенмим, үземнең сайлавым белән һәм миңа шундый данлыклы подразделение хәр­бие булу мөмкинлеге насыйп итүе белән горурланам. Бүгенге көндә безнең отряд махсус хәрби операция узу зонасының тактик юнәлешләренең берсендә дошманга каршы торуын дәвам итә. Эш, һичшиксез, җитәрлек, чөнки беркемгә дә сер түгел, хәзер безнең армия сугыш кырындагы барлык җинаятьчел күре­неш­ләрдә Киев режимына гына түгел, коткы салу юлына бас­кан барлык Көнбатышка – яшертен генә безнең илгә зыян китерүчеләргә дә каршы тора. Ләкин алар ничек кенә тырышмасыннар – аларның берни дә барып чыкмаячак. Без алга таба да сугыш кырында илебез һәм халкыбыз мәнфәгатьләрен яклаячакбыз. Без дошман белән көч позициясеннән сөйләшә алабыз һәм сөйләшәчәкбез. Һәм без җиңәчәкбез! – дип сөйләде ­Евгений.