Балыкны үзенчәлекле итеп кыздырабыз

(Тәтеш, 1 апрель, «Тәтеш таңнары»). 
Балык кисәкләрен табага тезәр алдыннан онда, сохарида әвәләргә кирәк түгел. Горбуша балыгы гадәттә корырак була, ә менә бу рецепт белән ясасаң тәмле һәм сусыл килеп чыга. 
Соус өчен кирәк: 1 йомырка, 1,5 аш кашыгы майонез, кара борыч. Соусны яхшылап ­болгатырга. 
Балыкның канатларын кисеп атып, балыкны уртача телемнәргә кисәргә, юарга. Майлы табаны кыздырып, соуста әвәләп, балыкны табага тезәргә.