Дару еракта түгел — ул безнең аяк астында гына икәнен беләсезме?

Күпләр белми дә, кулланмый да. Мисалга, тузганак мае очлыклар сызлаганда, баш авыртканда да файдалы. Әлеге май белән авырткан урынны яхшылап ышкырга гына кирәr/

Тузганак чәчәген экологик яктан чиста урыннан җыярга киңәш ителә. Юл буйларыннан җыя күрмәгез!

Тузганак маен ясау өчен:
— 500 гр чәчәк
— 1 литр югары сыйфатлы салкын ысул белән сыгылган үсемлек мае кирәк

Чәчәкне җыйгач банкага тутырыгыз. Өстенә май агызып, банканы марля белән каплагыз һәм караңгы урынга куегыз. Банка 3 атна торырга тиеш. Чәчәкләр көрән төскә кергәч, майны сөзеп, караңгы һәм салкынча урында саклагыз/

P.S. Табиб белән киңәшләшеп куллану сорала