Эретелгән сыр белән “Тун астындагы селедка”

Эретелгән сыр белән “Тун астындагы селедка”

Кирәк булачак:
селедка – 1 данә,
чөгендер – 200 грамм,
суган – 1 данә,
эретелгән сыр – 200 грамм,
йомырка (бары тик агы) – 5 данә,
майонез – 150 грамм,
каймак – 100 грамм.

Чөгендерне, йомырка агын һәм эретелгән сырны эре угычта уырга. Башлы суганны вак шакмаклап, селедканы кисәкләп турарга. Каймакны майонез белән кушарга һәм яхшылап болгатырга. Эретелгән сырны йомырка агы һәм каймак-майонез соусының бер өлеше белән болгатырга. Салат катламнары: суган – селедка – сыр-йомырка агы катнашмасы – чөгендер. Селедка белән чөгендергә генә каймак һәм майонез сыларга кирәк.