Карбызны ничек сайларга

(Тәтеш, 23 июль, «Тәтеш таңнары», Елена ВИКТОРОВА, Мәдинә Ибәтуллина фотосы). Күпләребез яраткан бу татлы ризык күңелләргә хуш килсен өчен, берничә киңәшне тоту зарур:

– сайлаган вакытта уртача зурлыктагысына, биштән алып җиде килограммга кадәр булганына өстенлек бирегез;
– күпләрнең “кыз” карбыз һәм “малай” карбыз дип аталып йөртелүен ишеткәне бар: моның өчен чәчәк аткан урындагы тапка күз салырга кирәк. Әгәр тап яссы һәм шактый зур булса, бу – “кыз” карбыз. Ә “малай” карбызның табы кабарынкы һәм үлчәме буенча кечерәк булып күренә; 
– өлгергән карбызларның сабаклары сары төстә һәм кипкән була. Шулай да бер үзенчәлеге бар: сабак 3 көн эчендә кибә, шуңа күрә дә киштәләрдә кипкән сабаклы өлгереп җитмәгән карбыз очравы ихтимал;
– өлгергән карбызны кул белән кагып караганда яңгыравык тавыш ишетелә, өлгергән карбызны уч белән тотып кысканда андый тавыш чыкмый;
– әгәр киселгән карбыз­да ак яки сары сызыклар бар икән, димәк, аңарда нормадан кирәгеннән артык пестицидлар һәм нитрат бар;
– карбызның “агарып торган урыны”   – ул аның җирдә ятканда барлыкка килгән эзе. Монда барысы да гади: тап никадәр сарырак, карбыз шулкадәр  яхшырак;
– карбызда ярылган, тырналган, кискәләнгән урыннар, черегән җирләр булмаска тиеш. Иң яхшысы – карбызны вакытыннан алда сатып алмау. Карбыз чынлап торып җәй азагында көз башында өлгерә.