Кышка борыч

Кышка борыч

2 кило баллы борычны орлыкларыннан чистартып, дүрт өлешкә бүләргә. 5 минут кайнар суда тотып торырга да, бер литрлы банкаларга тутырырга. Вак итеп туралган 1 кишер һәм 5 суган да өстәргә була. Банкаларга маринадны агызырга. Капкач белән ябып, 15 – 20 минут стерильләштерергә. 2 литр катнашма чыгарлык итеп помидорны иттарткычтан чыгарырга яки блендерда изәргә. Шуңа 1 стакан шикәр комы, 1 стакан көнбагыш мае, 1 – 2 аш кашыгы тоз һәм берничә кара борыч салырга. Томатлы катнашманы кайнатып, 6 процентлы 1 стакан аш серкәсе салырга да борыч тутырылган банкаларга салырга.