Маринадланган борыч рецепты

(Тәтеш, 23 сентябрь, «Тәтеш таңнары», Галина Таҗетдинова фотосы).

Моның өчен кирәк булачак:
болгар борычы – 6 кило,
сарымсак – 5-6 баш,
шикәр комы – 2 стакан,
көнбагыш мае – 2 стакан,
аш серкәсе – 1 стакан,
тоз – 2 аш кашыгы. 

Әзерләү: борычны үзегезгә уңайлы кисәкләргә турагыз, аны савытка  салыгыз, шуңа вак итеп туралган сарымсак һәм башка кушылмаларны өстәгез. Катнашманы 8-10 сәгатькә калдырыгыз, аннары банкаларга тутырыгыз, 15 минут стерильләштерегез (ярты литрлыларны), боргычлап ябыгыз һәм томалап куегыз.
Банканы кышын ачкач, аннан җәйге бакчаның хуш исен тоярсыз. Тәмле булсын!