Тиз өлгерә торган төче камыр рецепты

(Тәтеш, 15 февраль, «Тәтеш таннары», Сәния Сәмигуллина фотосы).  Әлеге камырдан гөбәдия, өчпочмак, вак бәлеш һәм башка  камыр ризыклары әзерләргә мөмкин. Кулланылачак әйберләрне тигез күләмдә алырга кирәк. 1 стакан сөт, 1 стакан сыек май (атланмай кулланырга да була), чамасы белән тоз, шикәр комы салып, барысын бергә әйбәтләп болгатасыз, он кушып камыр басасыз. 

Камыр 10 – 20 минут торганнан соң, аннан төрле ризыклар пешерергә була. Шунысын исегездән чыгармагыз: чәй содасы салырга кирәкми, ул камырны каралта.