Кызыл Йолдыз орденына ия булган

– Минем Бөек Ватан сугышында катнашкан бабам Захар Владимирович Тойкинның сугышка кадәр үк батырлык, нык­лык һәм кыюлык үрнәге була, – дип уртаклашты безнең белән Марина Мурзаева-Тосенко. – Әтисе ягыннан туган абыйсы Федор Петрович Тойкин аның өчен шундый кеше була. Судно механигы 1918 елда Балтыйк флоты корабларының боз походында катнаша. 1934 елда аңа “Челюскин” пароходында экспедициядә катнашырга туры килә. 1934 елның 13 февралендә судноның һәлакәткә очравы нәтиҗәсендә ул барлык экипаж белән бергә Арктика бозында ике ай диярлек яши, үзенең иң яхшы кешелек сыйфатларын күрсәтә. 
Федор Тойкин Кызыл Йолдыз ордены белән бүләкләнә.

фотоны Марина Мурзаева-Тосенко тәкъдим итте