Алексей ­Похлебкин яшь армиячеләрне, олимпиадачыларны әзерли

(Тәтеш, 24 февраль, “Тәтеш таңнары”). Аның әйтүенчә, педагог һөнәре белән кызыксыну студент елларында, Тәтешнең педагогия училищесындагы талантлы физкультура укытучылары ярдәмендә ­барлыкка килгән.
Илебезнең кораллы көчләрендә хезмәт итүе һөнәрен дөрес сайлау юнәлешен тагын да ныгыткан.

– Мин 1993 елда армиягә киттем, – ди Алексей Владимирович. – Владимир шәһәренә эләктем, танк йөртүче-механикка укыдым. Мин взвод командиры урынбасары, өлкән сержант идем. Армия күп нәрсәгә өйрәтте. Бергә хезмәт итүчеләр белән социаль челтәрдә әлегә кадәр аралашып торам, шалтыратышабыз, кунакка кайталар.

Армиядән соң шәһәрле педагог булырга карар иткән һәм документларын 2нче мәктәпкә тапшырган, анда аны физик культура укытучысы итеп кабул иткәннәр, соңрак ул тормыш иминлеге нигезләрен дә укыткан, югары белем алган. Ул Геннадий Митрофанов, Александр Долгов­ны үзенең остазлары дип саный, аларның тәҗрибәсен үзләштереп, күп нәрсәгә өйрәнгән, бу кешеләр – һәркемгә дә үрнәк, дип белдерә.

Алексей Владимирович тормыш иминлеге нигезләре фәнен укучылар өчен мөһим дип саный, чөнки көндәлек тормышта үзеңне сакларга һәм әйләнә-тирәдәгеләргә ярдәм итә белергә кирәк. Аның шәкертләре – төрле дәрәҗәдәге фән олимпиадаларында җиңүчеләр һәм призерлар. Юлия Россеева быел тормыш иминлеге нигезләре фәне буенча Бөтенроссия мәктәп укучылары олимпиадасында җиңүче булган. 

– Алексей Владимирович безгә бирешмәскә һәм билгеләнгән максатка барырга өйрәтә, тәвәккәллек һәм ныклык үрнәген күрсәтә, аның киңәшләре – максатка ирешү өчен зур әһәмияткә ия. Безнең җиңүләр – ул безнең хөрмәтле укытучыбызның да тырышлык нәтиҗәсе, – ди укучы.  

Педагогның профессиональлеге республика дәрәҗәсендә дә кулланыла, ул тормыш иминлеге нигезләре буенча олимпиаданың фәнни-методик комиссиясе эксперты булып тора, ә муниципаль дәрәҗәдә тормыш иминлеге нигезләре укытучыларының методик берләшмәсенә җитәкчелек итә. Алексей Похлебкин узган елны “Ел укытучысы” конкурсының муниципаль этабында җиңүче булды. 

Дәрестән тыш вакытта укытучы аҗаганчылар, “Яшь армияче” хәрби-патриотик хәрәкәте активистлары белән шөгыльләнә. Әлеге эшчәнлек кысаларында уку­чылар Ватан, туган як тарихын, сафка тезелеп атлау, корал сүтеп-җыю әзерлеген өйрәнәләр, төрле патриотик һәм волонтерлык акцияләрендә катнашалар. Икенче мәктәпнең аның җитәкчелегендәге юл хәрәкәте яшь инспекторлары командасы да район данын зона һәм республика ярышларында лаеклы яклый. Моннан тыш, укучылар аның волейбол һәм баскетбол секцияләренә дә теләп йөриләр.

Коллективта тәҗрибәле педагогны хөрмәт итәләр һәм бәялиләр.
– Югары профессиональ белгеч, – ди укыту бүлеге мөдире Наталья Вахтурова. – Бик итәгатьле, балаларга карата игътибарлы. Ул тәҗрибә үткәрүче, аның һөнәре белән мавыгучанлыгы укучыларына да күчә. Дәрестән соң да алар яраткан укытучысы янына шөгыльләнергә бик теләп йөриләр. 

Алексей Владимирович үз эшен­­дә аңа балаларның җавап буларак эш күрсәтүе, ихлас кызыксынуы һәм аларның эшчәнлек өлкәсендәге уңышлары этәргеч булып тора, дип белдерә.