Бар җиргә өлгерешә

(Тәтеш, 27 июль, «Тәтеш таңнары», Галина Таҗетдинова, автор фотосы). Хезмәт ветеранының педагогия стажы кырык елдан артык, әлеге ханым пенсиядә булса да аның көч-кодрәте ташып тора.

“Вакытлыча эшләп торыр­га чакыргач, яхшылап уйладым, ирем Әхмәт тә әлеге хуҗалыкта хезмәт куя,  барырга киңәш итте, үкенмәссең диде, – дип уртаклаша ул. – Шулай булып чыкты да – хәзер язны, чәчү башланганны һәм аеруча да җәйне, кыр­лар алтынсу төскә кергән чакларны көтеп алам. Үземнең хезмәттәшләрем белән, туганнарым кебек, өченче ел очрашам, чөнки аларның барысы да диярлек – минем укучыларым”.

Җитәкчелек Минзәлия Әк­рам кызы турында авыл хуҗалыгы предприятиесе өчен алыштыргысыз кеше буларак әйтеп, болай ди: “Ул безнең киң кырлы белгеч – склад мөдире дә, учетчик та, техникаларны заправкалаучы да, бар җирдә өлгерешә, бөтен вазифаларын бик яхшы итеп башкара”.