Җитәкче булу – ул зур хезмәт

(Тәтеш, 6 октябрь, "Тәтеш таңнары", Алинә Нуриева).  “Профсоюз һәм профкомның төп бурычлары итеп без һәрбер профсоюз әгъзасының ярдәмен һәм мәнфәгатьләрен яклау­ны күрәбез, – ди Тәтешнең мәгариф хезмәткәрләре профсоюзы оешмасы рәисе Людмила Андреева. – Без һөнәри берләшмәбездә мөмкин кадәр күбрәк бәхетле, үзенә һәм үзенең киләчәгенә ышанычлы, профессиональ һәм сәләтле яшь педагоглар булсынга омтылабыз. Районда яшь һәм инициативалы профсоюз җитәкчеләре күп: болар профком рәисе Анастасия Леденейкина (“Башаккай” балалар бакчасы), Ольга Моисеева (өстәмә белем бирү үзәге), Гөлия Солтанова (Олы Тархан мәктәбе), Гөлнара Юнысова (Киртәле мәктәбе), Галина Россеева (КМИ)”.

Бүген сүзебез Галина Россеева турында. Ул Тәтештәге кадет мәктәп-интернатында инглиз теле укытучысы булып эшли. “Актив тормыш карашлы кеше”, – диләр педагог хакында хезмәттәшләре. Людмила Андреева әйтүенчә, Галина Александровна беренчел профсоюз оешмасын бөтенләе белән диярлек яңадан торгызган. Аны бары тик хокукый документларга карата җаваплы мөнәсәбәте генә аерып тормый. Ул коллективны берләштерә һәм хезмәткәрләргә эштә бер-берләренә төрле яклап күтәренке рух булдыра, педагогия хезмәте ветераннарын онытмый. Мәктәптә юбилярларны хөрмәтлиләр, әһәмиятле бәйрәмнәрне билгеләп үтәләр, спорт чаралары үткәрәләр, чөнки тәҗрибә күрсәткәнчә, бергә уздырылган эшләр бердәмлек һәм профсоюз сафларының үсешенә ышаныч булып тора.

“Коллективта теләсә нинди кеше яши һәм эшли, димәк, хезмәттәшләре белән күп кенә уртак мәнфәгатьләр һәм бурычларга турыдан-туры ия. Кеше никадәр генә үзен мөстәкыйль дип санамасын, бер-береңә ярдәм итү  һәм үзара булышу – әһәмиятле фактор”, – дип саный ­Галина Россеева. “Профсоюз – ул сезнең белән без, – ди ул  хезмәттәшләренә. – Безнең җитешлек бердәмлектән, үзебезнең мәнфәгатьләрне дәлилле яклаудан тора”.

“Галина Россеева – эрудицияле, мәктәпнең профсоюз оешмасының оста җитәкчесе. Иҗади эзләнүгә даими омтылышы аның хезмәт үзенчәлеге булып тора. Галина Александровнаның фикерләү карашы – беренчел профсоюз оешмасының һәр әгъзасы хакында көндәлек кайгырту”, – дип билгеләп үтә Людмила Андреева. 

Галина Россеева районның яшь укытучылар Советы әгъзасы буларак, быел республиканың педагогия мәктәбе эшендә катнашкан. Ул чарага җыелучылар белән эш тәҗрибәсен уртаклашкан һәм яраткан мәктәбенә тормышка ашыру нияте белән гаять күп идеяләр алып кайткан. 

“Профсоюз берләшмәләренең уңай йөзен булдыру, яшь педагогка профсоюзның – ул шундый оешма, анда аның мәнфәгатьләрен генә түгел, шулай ук оештыручы булырга өйрәтүләрен күрсәтү мөһим, дип саныйбыз без”, – дигән фикерен җиткерә Тәтешнең мәгариф хезмәткәрләре профсоюзы оешмасы рәисе.

Фото: Россеваның гаилә архивыннан