Ул һәр эшне булдыра

(Тәтеш, 30  май, “Тәтеш таңнары", Мәдинә Ибәтуллина (автор фотосы)). Әүхәт Галиев – авыл кешеләренең алыштыргысыз ярдәмчесе.

“Ару-талуны белмәгән Әүхәт Мидхәт улы катнашыннан башка Сөендектә бер генә җәмәгать эше дә үтми торгандыр, мөгаен. Техниканы бик яхшы белә, хуҗалыкта гомер буе киң профильле тракторчы булып эшли: бу кыр эшләре дә, ремонтлар да – аның хезмәт даирәсе киң. Теләсә нинди эшкә рух күтәренкелеге белән алына. Һәрвакытта киң күңелле һәм тырыш, – ди Сөендек авыл җирлеге башлыгы Хафиз Измайлов мактау сүзләрен кызганмыйча. – Суэтем башнясының эшләү тәртибен күзәтеп тора. Җаваплы һәм ышанычлы кеше. Теләсә нинди йөкләмәләргә теләп алына: авыл юлларын чистарта һәм тигезли, җирлектә уза торган барлык чараларда катнаша. Андый кешеләр турында юкка гына аның куллары алтын дип әйтмиләр шул”.