Язгы чәчүгә дә, тук башакларга да сөенә

“Колос” механизаторы Алексей Борисов – шундый

игенчеләрнең берсе. Иковода туып үскән ират раслаганча, җиргә мәхәббәтне ул үзенең әтисе – колхозда механизатор, авыл хуҗалыгы производствосы алдынгысы Василий Алексеевичтан үрнәк итеп алган. Каникул вакытларында улы урак өстендә аның ярдәмчесе булып эшләгән.

“Мәктәпне тәмамлагач, әти сукмагыннан китәргә булдым, авыл хуҗалыгы техникумында укыдым, киң профильле механизатор белгечлеге алдым, – дип сөйли Алексей Василь­евич. – Армиядән кайткач, ­ биредә шул чактагы хуҗалык җитәкчесе Рәмис Хатыйп улы эш тәкъдим итте, яшь кадр­лар кирәк диде, мин уйлап тормыйча ­ризалаштым”.

Тәҗрибәле механизатор авыл хуҗалыгы пред­приятиесенең комбайн паркы һәм хезмәт шартлары да бик нык яхшыруын билгеләп үтә. “Башта миңа  искерәк кенә комбайн бирделәр, аннары яңа булмаса да икенчесен, ә быел югары җитештерүчәнлекле яңа техниканы ышанып­ тапшырдылар, – ди ул­ шат­ланып. – Эшләү уңайлыклары өчен анда барысы да: автоматика, климат-контроль, суыткыч та көйләнгән. Шулай булгач хезмәтебез җиңеләйде”.

Механизатор уңышны җыеп алу – аның чәчүдәге хезмәтенә сынау, дип раслый. “Язны көтәм, орлык­лар җиргә кергәч сөенәм, аннары – алтын тук башакларга, көзге чәчүгә, – ди ул елмаеп. – Быел көзге бодай гаҗәеп уңышы белән шатландырды. Үзем өчен шәхси рекорд куйдым, бер сменага ике мең центнер иген суктырып алдым, башаклар тулышып өлгергәнгә күңел шатлана”. Алексей үзенең ярдәмчесе – студент Иван ­Мешковны да мактап, болай ди: “Эшчән, җаваплы егет”.

Алексей Васильевич уңышлы эшнең йогынтысын эш шартларының һәм хезмәт хакының яхшы булуыннан, дип саный. “Хуҗалык юлламасы буенча шифаханәдә хезмәттәшләрем белән кышын ял итүдән рух ­кү­тә­­рен­келеге алдым, – ди ул. – Мондый кайгыртучанлык шулай ук бик мөһим”.

Механизатор туфрак эш кәртү белән мәшгуль һәм һөнәри бәйрәме җиткәндә киләсе ел район игенчеләре өчен нинди булачагы турында уйлануын, аның тагын да яхшырак булуы хакында хыяллануын әйтте.