Республикада коронавирус корбаннары саны 291 булды

(Тәтеш, 7 февраль, «Тәтеш таңнары»). Татарстанда тагын бер кеше Covid-19 корбаны булган. Шулай итеп, республикада коронавирустан барлыгы 291 кеше үлгән.

1950 елда туган ир-ат узган тәүлектә вафат булган. Үлем сәбәпләре патологоанатомик экспертиза нәтиҗәсендә ачыкланган. Бу турыда Татарстан Сәламәтлек саклау министрлыгының матбугат хезмәте хәбәр итә.

Элегрәк «Татар-информ» агентлыгы хәбәр иткәнчә, узган тәүлектә Татарстанда 85 кеше коронавирус инфекциясе йоктырган.

Подробнее: https://tatar-inform.tatar/news/incident/07-02-2021/tatarstanda-koronavirus-korbannary-sany-291-buldy-5804588