Республикада соңгы тәүлектә коронавирус инфекциясе йоктыруның 62 яңа очрагы
Тәтеш районында узган тәүлекләрдә республика штабы тарафыннан коронавирусның яңа очраклары теркәлмәгән.
(Тәтеш, 16 ноябрь, “Тәтеш таңнары”). Татарстанда соңгы тәүлектә Covid-19 коронавирус инфекциясе йоктыруның 62 яңа очрагы ачыкланган. Бу хакта ТР Сәламәтлек саклау министрлыгының матбугат хезмәте хәбәр итә.
«Ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. 4 кеше хастаханәгә озатылган, 58 кеше өендә дәвалана», - диелә ведомство хәбәрендә.
Эпидемия башланганнан алып республикада коронавирус инфекциясенең 9305 очрагы теркәлгән, 8174 кеше (шуларның 46сы – узган тәүлектә) терелгән. Аны «Татар-информ» хәбәр итә.
Следите за самым важным и интересным в Telegram-каналеТатмедиа
Нет комментариев