Республикада соңгы тәүлектә коронавирус инфекциясе йоктыруның 84 яңа очрагы ачыкланган

(Тәтеш, 30 ноябрь, “Тәтеш таңнары”). Татарстанда соңгы тәүлектә Covid-19 коронавирус инфекциясе йоктыруның 84 яңа очрагы ачыкланган. Бу хакта Татарстан Сәламәтлек саклау министрлыгының матбугат хезмәте хәбәр итә.

Җиде кеше хастаханәгә озатылган, 77 кеше өендә дәвалана.

Коронавирус йоктыручылар саны Казанда (46 очрак) иң күбе булган. Чаллы шәһәрендә — җиде, Югары Ослан һәм Түбән Кама районнарында дүртәр очрак ачыкланган. Бер кеше  — Тәтеш районынта.

Эпидемия башланганнан алып республикада коронавирус инфекциясенең 10 мең 339 очрагы теркәлгән, 9 мең 75 кеше (шулардан 75 кеше — узган тәүлектә) терелгән. Аны «Татар-информ» хәбәр итә.

фото: Татар-информ