Республикада тагын 84 кеше коронавирус инфекциясе йоктырган
Тәтеш районында узган тәүлекләрдә республика штабы тарафыннан коронавирусның яңа очраклары теркәлмәгән.
(Тәтеш, 30 гыйнвар, “Тәтеш таңнары”). Татарстанда соңгы тәүлектә Covid-19 коронавирус инфекциясе йоктыруның 84 яңа очрагы ачыкланган.
ТР Сәламәтлек саклау министрлыгының матбугат хезмәте хәбәр иткәнчә, аларның барысы да чирне башка авырулар белән аралашу нәтиҗәсендә эләктергән.
Коронавирус йоктырган пациентлар саны буенча Казан шәһәре (55 очрак) антирейтингның беренче баскычын били. Муниципалитетлар арасында Тукай районы (4 очрак) әйдәп бара.
Эпидемия башланганнан алып республикада коронавирус инфекциясенең 15 959 очрагы теркәлгән, 12 430 кеше (шуларның 99ы – узган тәүлектә) терелгән.
Подробнее: https://tatar-inform.tatar/news/health/30-01-2021/tatarstanda-tagyn-84-keshe-koronavirus-infektsiyase-yoktyrgan-5802775
фото: Татар-информ
Следите за самым важным и интересным в Telegram-каналеТатмедиа
Нет комментариев