Республикада тагын өч кеше коронавирустан үлгән

(Тәтеш, 8 декабрь, “Тәтеш таңнары”).  Татарстанда тагын өч кеше яңа төрдәге Covid-19 коронавирус инфекциясе корбаны булган. Бу хакта ТР Сәламәтлек саклау министрлыгының матбугат хезмәтеннән хәбәр иттеләр.

«Татарстанда коронавирус инфекциясеннән вафат булуның өч очрагы расланды», - дип белдерделәр министрлыкта.

Коронавирустан 1949 елгы хатын-кыз, шулай ук 1955 һәм 1960 елгы ир-атлар дөнья куйган.

Ведомствода чирнең ничек узуына бәйле нечкәлекләрне атамадылар. Шулай да үлемнең сәбәбе патологоанатомик экспертиза үткәрү нәтиҗәсендә ачыклануын һәм вирусның идентификацияләнүен искәрттеләр.

Аны «Татар-информ» хәбәр итә.

фото: Татар-информ