Табиб «Спутник V» аллергияле кешеләр өчен иң яхшы препарат икәнлеген әйтте

(Тәтеш, 14 июль, "Тәтеш таннары"). Аллергияле кешеләргә коронавируска каршы «Спутник V» белән прививка ясату яхшырак. Бу хакта вакцинация турында турыдан-туры эфирда 7нче Казан клиник хастаханәсенең аллергология һәм иммунология үзәге җитәкчесе Гүзәл Закирова сөйләде.  

«Аллергия авырулары булган пациентлар өчен иң кулае ГамКовидВак («Спутник V») булачак, чөнки анда пептидлар, аксым кушылмалары юк. Анда компонентлар аз», - дип искәртте спикер.

Табиб аллергияле кешеләр өчен препарат составында компонентлар азрак булган саен яхшырак һәм куркынычсызрак, дип аңлатты.

Подробнее: https://tatar-inform.tatar/news/health/14-07-2021/kazan-tabiby-sputnik-v-allergiyale-keshel-r-chen-i-yahshy-preparat-ik-nlegen-ytte-5830257