Үткән тәүлектә республикада коронавирус йоктыруның 91 очрагы теркәлгән

(Тәтеш, 1 гыйнвар, “Тәтеш таңнары”).  Татарстанда соңгы тәүлектә Covid-19 коронавирусын йоктыруның 91 очрагы теркәлгән. Дүрт кеше әлеге вирусны республикадан читтә йоктырып кайткан. Бу хакта ТР Сәламәтлек саклау министрлыгының матбугат хезмәте хәбәр итә.

«23 кеше хастаханәгә яткырылды, 68 кеше өйләрендә дәвалана», — дип хәбәр итәләр министрлыктан.

Коронавирус таралган чордан республикада барлыгы 13 375 очрак теркәлгән. 10,7 меңнән артык кеше терелгән, аларның 19ы — үткән тәүлектә. Аны «Татар-информ» хәбәр итә.

фото: Татар-информ