Фоторәсемнәр – ярату турында сөйләде
Көн темасы

Фоторәсемнәр – ярату турында сөйләде

Фотоконкурска бик күп санда – 65 эш җибәрелде.

(Тәтеш, 20 февраль, «Тәтеш таңнары», Елена Викторова). “Тәтеш таңнары” сайтында Гашыйклар көне уңаеннан “Барысы да мәхәббәттән башлана” дип исемләнгән фотобәйге тәмамланды.

Фотоконкурска бик күп санда – 65 эш җибәрелде, шуңа күрә катнашучылар арасында җиңү өчен көрәш тә шактый кызу барды. 

Тәтештән Людмила һәм Дмитрий Долговларның, алар нибары дүрт ай элек өйләнешкән, “Мәхәббәт – иң якты хисләр” эше иң күп – 745 тавыш җыйды. Нәкъ тә алар төп призга – тукымага ясалган фоторәсемгә ия булачак. “Бәйгеләрдә элек беркайчан да катнашмадык, ә монда җибәреп карыйк әле дип, бергәләп хәл иттек. Ирем баштан ук җиңүгә ышанды, ә минем өчен ул көтелмәгәнчәрәк булды. Безнең өчен бөтен дөньядагы туганнар һәм дуслар тавыш бирде”, – дип уртаклашты Людмила. 

Тавыш бирү исәбе буенча икенче урынны Шәфигуллиннарның “30 ел парлы гомер” фоторәсеме алды, Илшат Әхмәдуллин һәм Алия Вәлиева тарафыннан җибәрелгән фото өченче булды. “Авангард” гәҗите редакциясе ­коллективы фи­керенчә, Келәштән ирле-хатынлы Нотфул­лин­нарның фотосы иң яхшы фоторәсем дип танылды, алар бүләккә исемле кружка алачак. Моннан тыш, “Тәтеш таңнары” гәҗите битләрендә барлык дүрт җиңүче турында язма бас­тырылачак. Киләсе фотобәйге март башында старт алачак. Безнең яңалыкларны күзәтеп барыгыз!   
 


Нет комментариев